《搖籃曲》有關歌詞

搖籃搖來搖去搖到天項去

月光照來照去照到目珠去

星仔目聶來目聶去目聶到鳥竇去

鷂婆爪來爪去爪到天弓去

日頭曬來曬去曬到笠嬤去

阿公犁來犁去犁到牛欄去

牛牯飆來飆去飆到埤塘去

鯉嬤嗶來嗶去嗶到河壩去

石頭輾來輾去輾到醃缸去

鹹菜鹵來鹵去鹵到碗公去

阿婆兜來兜去兜到碗櫥去

老鼠齧來齧去齧到貓尾去

貓嬤追來追去追到禾埕去

狗牯吠來吠去吠到天頂去

烏雲鬥來鬥去鬥到雷公去

南風吹來吹去吹到眠帳去

魚桀魚泅來泅去泅到海脣去

海水漲來漲去漲到港肚去

船兒撐來撐去撐到碼頭去

車仔駛來駛去駛到車頭去

火車拖來拖去拖到磅空去

人客送來送去送到機場去

飛機飛來飛去飛到月光去

搖籃搖來搖去搖到天項去